Доннарумманинг агенти "Милан" раҳбариятига қандай талаб қўймоқда?

Италиялик дарвозабон Жанлуижи Доннарумманинг "Милан"да қолиш ёки қолмаслиги ҳамон номаълум. У билан ҳалигача янги шартнома имзоланмаган.

Журналист Николо Скиранинг маълум қилишича, томонлар музокараларни давом эттирмоқда. Футболчининг агенти Мино Райола мижозига қисқа муддатли, яъни 1 ёки 2 йиллик шартнома ва йилига 10 млн евро маош беришларини талаб қилмоқда. "Милан" техник директори Паоло Мальдини эса, Доннаруммага 5 йиллик шартнома ва 7,5 млн евро таклиф қилган.

22 ёшли посбон айни дамда “Челси” ва ПСЖ каби гранд клублар эътибор марказида бўлиб турибди. Унинг “россонерилар” билан амалдаги шартномаси ёзда ўз ниҳоясига етади. Шу сабабли у янги жамоасига эркин агент сифатида текинга кўчиб ўтиши мумкин.

Доннарумма жорий мавсум А Серияда жами 23 та ўйинда майдонга тушди ва шуларнинг 7 тасида ўз дарвозаси даҳлсизлигини сақлаб қолди.