Драган Черан: "Матич голлар урадиган ҳужумчи, у бизга ёрдам беради"

“Пахтакор” клуби Суперлиганинг 13-турида “Бунёдкор”га қарши дербидаги баҳсда 1:0 ҳисобида ғалаба қозонди. Ўйин тақдирини Драган Чераннинг пенальтидан киритган биргина голи ҳал қилди. У Sports.uz сайтига ўйин ҳақида ва “Пахтакор”га янги қўшилган Боян Матич тўғрисида фикр билдирди.  

- Бу танаффусдан кейинги дастлабки ўйинимиз эди. Шу сабабли мазкур учрашувда жамоамизнинг ҳали тўлиқ формада эмаслиги бироз кўриниб турди.

Лекин энг асосийси, ғалаба қозониб ўз ҳисобимизга уч очкони ёздириб қўйдик. Тўғри, биз асосан натижа учун ўйнадик.

Матич ҳақида тўхталсам, у яхши футболчи. Голлар урадиган ҳужумчи. Албатта, у бизга жуда ёрдам беради, - дейди Черан.