Dubaydan qaytgan "Paxtakor" Qibrayda mashg‘ulotlarni boshladi (Foto)

BAA yig‘inidan qaytib kelgan "Paxtakor" ikki kunlik qisqa tanaffusdan keyin, yangi mavsumga tayyorgarlikning navbatdagi bosqichiga kirishdi.

Qibrayda o‘tayotgan mashg‘ulotlarda futbolchilar 2021 yilgi mavsumga hozirlikni davom ettirmoqda. Bugun murabbiylar shtabi futbolchilar bilan ikki mahal mashg‘ulot o‘tkazdi.

Hojiakbar Alijonov, Ibrohimhalil Yo‘ldoshev, Farruh Sayfiev, Odil Hamrobekov, Aziz Turg‘unboev va Hojimat Erkinov milliy terma jamoa yig‘iniga jo‘nab ketdi va 18 fevral kuni Toshkentga qaytadi.