Дунёнинг энг яхши чемпионатлари рейтинги эълон қилинди. Суперлигамиз нечанчи ўринда?

Футбол тарихи ва статистикаси Халқаро Федерацияси — IFFHS 2021 йил якунларига кўра жаҳоннинг энг яхши чемпионатлари рейтингини эълон қилди.

Энг кучли чемпионат сифатида Бразилия чемпионати қайд этилган. Кучли учликдан эса Англия ва Италия чемпионатлари жой олган.

Ўзбекистон Суперлигаси эса жадвалда 66-ўринни банд қилди (309,5 очко). Бу Осиё миқёсидаги 5-кўрсаткич ҳисобланади. Қитъада фақат Жанубий Корея, Япония, Эрон ва Саудия Арабистони чемпионати Ўзбекистондан юқорида жойлашган.

Умумий рейтингда АҚШ, БАА, Қатар ва Беларус лигаси Ўзбекистон чемпионатидан пастроқда қайд қилинган.

Эслатиб ўтамиз, 2020 йил якунида ишлаб чиқилган рейтингда Суперлига жаҳонда 48, Осиёда 5-ўринда бўлган эди.