Душанбедан дараклар. Бангладеш гол урди, лекин Ўзбекистон зафар қучди

Кутилмаганда рақиблар ўйинни фаоллик билан бошлади. Ўйиндаги дастлабки хавфли вазият ҳам улар томонидан содир этилди. Умиджон Эргашов ушбу вазиятда қийинчиликсиз дарвоза томон йўлланган зарбани тўхтатиб қолди.

Кейинги дақиқаларда ёшларимиз ўйин тизгинини ўз қўлларига олишди ва рақиб дарвозаси томон кетма-кет хавфли зарбалар бера бошлади. Ишончли тарзда ҳимоялана олган бангладешликлар фақатгина қарши ҳужумда ўз омадларини синаб кўришди. Бироқ биринчи бўлим 0:0 ҳисобида якунига етди.

Иккинчи 45 дақиқалик ҳамюртларимизнинг тўлиқ устунлиги остида ўтди. Ўз жарима майдонларига қамалиб олган рақиблар ҳимояда тартибли ҳаракат қилди. Бир қанча ҳужумларимиз эса қўполлик билан тўхтатиб қолинди.

Учрашувнинг сўнгги дақиқалари ўтиб бораётганда БАнгладеш футболчиси ўз дарвозасига тўп киритиб қўйди. Натижада ҳамюртларимиз зафар қучишди. 

U-19 ОЧ саралаши

"B" гуруҳи, 4-тур

Бангладеш U-19 – Ўзбекистон U-19 0:1

Гол: Муҳаммад Аттикуззамон (автогол 90+4)

Ўзбекистон U-19: Умиджон Эргашов, Алишер Салимов, Дилшод Саидов, Иззатов, Асқаров, Расул Йўлдошев, Ислом Кенжабоев, Иброҳим Йўлдошев, Акмал Мозговой (Рахимов, 82), Жаҳонгир Абдусаломов, Санжар Зокиров (Аббос Жумақулов, 82)

Захира: Эрмаматов, Нодирбек Куйбаков, Афзал Холмуҳаммедов, Жавохир Қиличев, Шоҳрухбек Абдурахмонов, Абубакир Мўйдинов, Асадбек Собиржонов, Хасан Йўлдошев.

Ёқубжон Сохибов
Ҳисор, Душанбе, Тожикистон