Гвардиола "Реал"га қарши ўйиндан сўнг Ҳусанов ва бир нечта футболчилар ҳақида гапирди

"Манчестер Сити" бош мураббийи Хосеп Гвардиола Чемпионлар лигасининг 1/8 финал босқичи доирасида бўлиб ўтган "Реал Мадрид"га қарши ўйиндан сўнг жамоадаги ёш футболчилар ҳақида фикр билдирди.

"Ҳусанов учун бу Чемпионлар лигасидаги биринчи ўйин бўлди. Райан Шерки учун ҳам бу турнирдаги илк баҳс эди. Антуан Семеньо ҳам биринчи марта Чемпионлар лигасида, у ҳам бўлса, "Бернабеу"да дебют қилди.

Бунга вақт керак. Бу ердаги дастлабки мавсумларимиз ҳам доим ҳам мукаммал ўтмаган. Масалан, "Монако"га қарши айнан шу босқичда мусобақадан чиққан эдик. Ҳозир жамоада жуда кўп янги футболчилар бор, аммо мен кўплаб ижобий жиҳатларни кўрдим.

Ҳатто Мадриддаги дастлабки 15–20 дақиқа ва бу ердаги биринчи 15–20 дақиқа ҳам жамоамизнинг даражасини кўрсатди. Биз ўша пайтларда ўйин ичида эдик", — деди Гвардиола.

Маълумот учун, "шаҳарликлар" нимчорак финалда икки ўйин натижасига кўра "Реал Мадрид"га мағлуб бўлиб, турнирни тарк этди.