Дюбуа - Усик жангини яна бир бор кўришимиз мумкин!

IBF оғир вазн тоифаси вақтинчалик камар эгаси Даниэль Дюбуани амалдаги камар соҳиби Олександр Усикга расмий даъвогар этиб тайинлади.

Дюбуа оғир вазн тоифаси вақтинчалик чемпиони ҳисобланади. У ўтган ҳафта бўлиб ўтган оқшомда Филипп Хрговични саккизинчи раундда техник нокаут эвазига мағлуб этиб, камарни қўлга киритди.

Маълумот ўрнида, Усик ва Дюбуа ўтган йилнинг август ойида жанг қилишган ва унда тўққизинчи раундда украиналик эрта ғалабага эришган.