Дзюдо бўйича Ўзбекистон терма жамоасининг Тбилиси Гран присида иштирок этувчи таркиби маълум бўлди

Дзюдо бўйича Ўзбекистон терма жамоаси 29-31 март кунлари Грузия пойтахти Тбилиси шаҳрида ўтказиладиган Гран-При туркумига кирувчи турнирда иштирок этади. 

Айни пайтда дзюдочиларимиз Фарҳод Тўраев бош мурабийлигида бўлажак нуфузли мусобақага сўнгги тайёргарлик машғулотини олиб боришяпти. Тбилиси татамиларида сайёрамизнинг 55 давлатидан жами 452 нафар дзюдочи ўз маҳоратини намойиш этади. Улар қаторида 9 нафар дзюдочимиз мусобақа медаллари ҳамда Токио Олимпиадасининг муҳим рейтинг очколари учун баҳс олиб боришади. Тбилисига йўл оладиган таркибимиз:

Эркаклар:

-60 кг: Диёрбек Ўрозбоев, Шарофиддин Лутфуллаев

-73 кг: Ҳикматилла Тўраев

-81 кг: Камолиддин Расулов

-90 кг: Яҳё Имомов, Давлат Бобонов

-100 кг: Муҳамммадкарим Хуррамов

Аёллар:

-70 кг: Гулноза Матниязова

-78 кг: Нодира Юлдашева

Мураббийлар: Фарход Тўраев, Ўктам Раҳмонов