Дзюдо. Осиё чемпионатида 10 та медал қўлга киритдик

Хитойнинг Ордос шаҳрида дзюдо бўйича катталар ўртасида Осиё чемпионати бўлиб ўтди. 

Мусобақанинг сўнгги куни Париж-2024 Олимпиадаси совриндори Алишер Юсупов жамоамизга олтин медал тақдим этди. 

Шу тариқа, Ўзбекистон терма жамоаси 1 та олтин, 3 та кумуш, 6 та бронза, жами 10 та медал билан Осиё чемпионатининг яккалик баҳсларидаги иштирокини якунлади. 

Эътиборлиси, Ўзбекистон спорт делегацияси Осиё чемпионати иштирокчи давлатлари орасида энг кўп медалга эга чиқди. 

Эртага қитъа биринчилигида аралаш жамоавий беллашувлар ўтказилади.

Олтин медал:
+100 кг: Алишер Юсупов

Кумуш медаллар:
-48 кг: Лазиза Ҳайдарова
-52 кг: Сита Кадамбаева
-70 кг: Ширинжон Йўлдошева 

Бронза медаллар:
-60 кг: Самариддин Қўчқоров 
-70 кг: Хуршида Раззоқбердиева 
-78 кг: Барчиной Қодирова 
-100 кг: Эрназар Сарсенбаев 
+78 кг: Умида Ниғматова 
+100 кг: Музаффарбек Тўрабоев

Бу ҳақда Ўзбекистон дзюдо федерацияси матбуот хизмати хабар бермоқда.