Дзюдо терма жамоамиз Ар-Риёдга жўнаб кетди

Хабар берганимиздек, 7-21 ноябрь кунлари Саудия Арабистони пойтахти Ар-Риёд шаҳрида Ислом Бирдамлиги ўйинлари бўлиб ўтади.

Копмлекс мусобақа дастуридан дзюдо баҳслари ҳам ўрин олган бўлиб, унда юртимиз шарафини ҳимоя қилувчи терма жамоамиз Саудия Арабистонига йўл олди. Дзюдо баҳслари 8-10 ноябрь кунлари бўлиб ўтади. 

Маълумот учун, уч йил аввал Туркиянинг Конья шаҳрида ўтказилган V Ислом Бирдамлиги ўйинларида дзюдочиларимиз 6 та олтин, 2 та кумуш, 5 та бронза, жами 13 та медал билан дунёнинг 56 иштирокчи давлати орасида умумжамоа ҳисобида 1-ўринни эгаллаган эди. Бу билан дзюдо терма жамоамиз Ўзбекистон спорт делегациясининг якунда иккинчи ўринни банд этишига катта хисса қўшганди.

Бу ҳақда Ўзбекистон дзюдо федерацияси матбуот хизмати хабар бермоқда.