ЕЧЛ. 3-турнинг энг яхши футболчиси бўлиш учун номзодлар эълон қилинди

УЕФА матбуот хизмати Чемпионлар лигасининг жорий мавсумидаги 3-тур баҳсларидан сўнг ҳафтанинг энг яхши футболчиси номига даъвогарлар рўйхатини эълон қилди.

Ушбу мукофот учун “Атлетик” ҳужумчиси Горка Гурусета, ПСВ ярим ҳимоячиси Деннис Ман, Дортмунднинг “Боруссия” клуби футболчиси Феликс Немеча ва “Барселона” ярим ҳимоячиси Фермин Лопес курашмоқда.

Гурусета “Қарабоғ”га қарши, Ман “Наполи” билан учрашувда, Немеча “Копенгаген” дарвозасига иккита гол урди. Лопес эса “Олимпиакос”га қарши баҳсда хет-трик қайд этди.

Маълумот учун, ПСЖ, “Реал Мадрид”, “Бавария”, “Интер” ва “Арсенал” жамоалари бир хил — 9 очкодан жамғарган ҳолда турнир жадвалида етакчилик қилмоқда.