ЕЧЛ. АПЛ клублари 1/8 финалнинг илк баҳсларида омадсиз иштирок этди

Чемпионлар лигаси 1/8 финал босқичининг дастлабки ўйинларида Англия клублари бирорта ҳам ғалаба қозона олмади. Олти жамоа иштирок этган баҳсларда 4 та мағлубият ва 2 та дурранг қайд этилди. Умумий ҳисоб — 6:16.

Маълумот учун, бу мавсум 1/8 финалда АПЛдан 6 та клуб иштирок этмоқда ва бу рекорд натижа ҳисобланади.

Сешанба куни "Тоттенхэм" "Атлетико"га 2:5 ҳисобида мағлуб бўлди, "Ливерпуль" "Галатасарай"га 0:1 ҳисобида ютқазди, "Ньюкасл" эса "Барселона" билан 1:1 ҳисобида дурранг ўйнади.

Чоршанба куни "Манчестер Сити" "Реал Мадрид"дан 0:3 ҳисобида йирик мағлубият қабул қилди, "Челси" ПСЖга 2:5 ҳисобида ютқазди, "Арсенал" эса "Байер"ни мағлуб эта олмади — 1:1.

Қайд этиш жоиз, ушбу ҳафтада барча инглиз клублари илк ўйинларни сафарда ўтказди.

Жавоб учрашувлари 17 ва 18 март кунлари бўлиб ўтади.