Экитике: "Салоҳ кутганимдан ҳам кучли ва самимий инсон экан"

"Ливерпуль" форварди Уго Экитике жамоадоши Муҳаммад Салоҳ ҳақида фикр билдирди. Франциялик футболчи шу ёзда "қизиллар" сафига қўшилган бўлса, мисрлик ҳужумчи 2017 йилдан буён клуб шарафини ҳимоя қилиб келмоқда.

"Салоҳ жуда зўр, телевизор орқали кўрганимдагидан ҳам кучли экан. Унинг ҳеч қандай ҳис-туйғусини билдирмайдиган юз ифодасини кўриб, мен уни совуққон, кўп сўзламайдиган инсон деб ўйлагандим. Лекин ундай эмас. Муҳаммад жуда очиқкўнгил инсон, бу ердаги барча йигитлар каби. Улар мени тезроқ мослашиб кетишим учун ёрдам беришяпти", — дейди 23 ёшли форвард.

Эслатиб ўтамиз, "Ливерпуль" июль ойида Экитикени франкфуртлик "Айнтрахт"дан 95 миллион евро эвазига сотиб олган эди.