Хабарингиз бор бугун ЖЧ-2018нинг “А” гуруҳ 1-турида Миср 1:0 ҳисобида Уругвайга имкониятни бой бериб қўйди. Учрашувдан сўнг мағлуб жамоа устози Эктор Купер ўзининг ўйин ҳақидаги фикрларини билдириб ўтди.

“Бугун ажойиб ўйин ўтказдик деб ҳисоблайман. Нима қилиш керак бўлса барчасини қилдик. Лекин, гол ўтказиб юборганимиз аламли албатта. Уругвай  -кучли жамоа.

Учрашув давомида бизда кўплаб яхши ҳужумлар бўлди, лекин уларни якунлайдиган футболчи етишмади. Шубҳасиз, Салоҳ етишмади. Эртага Грознийга қайтамиз ва Россияга қарши бўлиб ўтадиган ўйинга тайёргарлик кўришни бошлаймиз. Лекин, ундан олди бугунги ўйинни таҳлил қилиб чиқамиз”, - дейди Купер.