"Эль-класико" олдидан "Барселона"да яна бир жиддий йўқотиш бўлиши мумкин

"Барселона" ҳимоячиси Жерар Пике Испания Ла Лигасининг 30-туридан ўрин олган "Реал"га қарши ўйинни ўтказиб юбориши мумкин. Б у ҳақда AS нашри хабар бермоқда.

Юқоридаги манбага кўра, 34 ёшли футболчи ҳали ҳам тиззасида оғриқ ҳис қилмоқда. Шу сабабли, у ҳозирда якка тартибда машғулотларда иштирок этмоқда.

Жерар Пике жорий мавсум "Барселона"да жами 15 та ўйинда майдонга тушди ва 2 та гол уришга муваффақ бўлди. Унинг клуб билан амалдаги шартномаси 2024 йилга қадар имзоланган.

"Реал" - "Барселона" учрашуви 10 апрель куни Тошкент вақти билан соат 00:00 да бошланади. Ушбу икки жамоа мусобақа жадвалида ҳам ёнма-ён бормоқда. Каталонияликлар 65 очко билан 2-ўринда, мадридликлар эса 63 очко билан 3-ўринда бормоқда.