Элдор Шомуродов Олимпия терма жамоамизнинг вазифаси нима эканлигини айтди

Парижда бўлиб ўтаётган Олимпиада доирасида Ўзбекистон футбол терма жамоаси Испания билан куч синашди. Мазкур беллашувда вакилларимиз "Қизил Фурия"га 2:1 ҳисобида мағлуб бўлди. 

Испанлар сафида Пубиль ҳамда Гомес гол урган бўлса, вакилларимизнинг ягона голи Шомуродов томонидан урилди. 

Шу тариқа, вакилларимз турнирни мағлубият билан бошлади. 

Ўйиндан сўнг термамиз сардори Элдор Шомуродов ўз фикрлари билан ўртоқлашди. Қуйида унинг фикрлари билан танишиб чиқишингиз мумкин: 

- Рақибнинг даражасидан келиб чиқсак, ёмон ўйнамадик деб ўйлайман. Хатолар эвазига мағлуб бўлдик.

- Олимпиада ўйинларидаги тарихий голга муаллифлик қилдингиз. Бу кейинги учрашувда жамоага далда берадими? 

- Бизнинг вазифамиз гуруҳдан чиқиш. Испанияга қарши йигитлар яхши ҳаракат қилди. Ҳозирча ҳеч нарса йўқотганимиз йўқ. Олдинда иккита ўйин бор ва мазкур беллашувларга тайёргарлик кўрамиз.