Эмре Жан "Милан"га ўтиши мумкин

Туриннинг "Ювентус" клуби ярим ҳимоячиси Эмре Жан "Милан"нинг қизиқишлар доирасига кириб қолди. Бу ҳақда Sport Mediaset нашри хабар тарқатмоқда.

Айтиш керакки, “россонерилар” 26 ёшли германиялик футболчини ўтган йилнинг ёзидаёқ сотиб олишни хоҳлашган эди. Бироқ, ўшанда томонлар хатто музокаралар ўтказиш даражасига ҳам боришмаган эди.

Эмре Жан ҳам Евро-2020 да иштирок этиши учун барқарор ўйин амалиётига эга бўлиши кераклигини англаган ҳолда давралар оралиғидаёқ бошқа жамоага ўтишга рози.