Энди бизда ўйна! Турклар "Реал" юлдузини олиб кетмоқчи

Туркиянинг машҳур Fanatik нашри маълумотига кўра, «Галатасарой» клуби «Реал»нинг франциялик ярим ҳимоячиси Эдуардо Камавингага жиддий қизиқиш билдирмоқда. Истанбул клуби француз футболчисини қишки трансфер ойнасида жамоага қўшиш режасини кўриб чиқмоқда. Шу билан бирга, ҳозирча на Камавинга, на «Реал» раҳбарияти унинг кетиши ҳақида ўйлаётгани йўқ.

Сўнгги пайтларда Эдуардо Камавинганинг «Реал»даги роли сезиларли даражада камайган. Янги бош мураббий Жозе Моуриньо француз ярим ҳимоячисини асосий таркиб учун асосий номзод сифатида кўрмаётгани таъкидланмоқда.

Камавинга 2021 йил ёзи охирида «Реал» сафига қўшилган эди. У дебют мавсумида, айниқса, Чемпионлар Лигасидаги ўйинлари билан катта таассурот қолдирган ва келажак юлдузларидан бири сифатида баҳоланган. Кейинги мавсумларда у тез-тез чап қанот ҳимоячиси сифатида майдонга туширилди, аммо вақт ўтиши билан унинг ўйин амалиёти тобора қисқара бошлади.