Энди Бундеслигада ҳам душанба куни ўйинлар ўтказилмайди

Германия Бундеслигасида ҳафтанинг душанба кунида учрашувлар ўтказилмайди.

Берилган маълумотларга қараганда чемпионатда иштирок этувчи жамоалар 2021/22 йилги мавсумдан бошлаб ушбу қоида жорий этилишига розилик билдиришган. Айнан мана шу мавсум аввалида Бундеслига телетрансляциялар бўйича янги келишувни имзолайди. Энди ўйинлар душанба кунга қолиб кетмаслиги учун якшанба куни кўпроқ ўйинлар ўтказилади.

Таъкидлаш лозимки, душанба куни ўйинлар ўтказилиши мухлислар ўртасида ҳам кескин этирозларга сабаб бўлмоқда.

Эслатиб ўтамиз, бундан аввалроқ Россия премьер-лигаси раҳбарияти ҳам мухлисларга қулайлик яратиш мақсадида душанба кунга ўйинларни жойлаштирмасликни режалаштираётгани ҳақида хабарлар тарқалган эди.