Endi Muhammad Salohning nomi o‘chmaydi

“Liverpul” Evropa Ligasining  navbatdagi uchrashuvida “Tuluza” ustidan 5:1 hisobida g‘alaba qozondi.

Bellashuvdagi gollardan birini Muhammad Saloh kiritdi. Bu misrlik forvard uchun liverpulliklar tarkibida Evrokuboklarda kiritilgan 43-gol bo‘ldi.

Statistika mutaxassislarining ta’kidlashicha, Angliya futboli tarixida hali biror futbolchi xalqaro miqyosida buncha ko‘p gol ura olmagan.

Avvalgi rekord Terri Anriga tegishli jdi. “Arsenal”da porlagan yulduz hisobida Evropa turnirlarida 42 ta gol bor edi.

“Manchester Siti”ning sobiq hujumchisi Serxio Aguero esa xalqaro o‘yinlarda raqiblar darvozasini qirq marotaba ishg‘ol qilgan.