Энди “Реал”нинг 10-рақамини мен оламан!

Жорий мавсум якунланиши билан, янада аниқроғ айтганда, 15 июндан 13 июлгача давом этадиган клублар ўртасидаги жаҳон чемпионатидан кейин “Реал” таркибида жиддий ўзгаришлар бўлиши кутилмоқда.

Хусусан, жамоанинг жнг тажрибали ўйинчиси Лука Модрич ҳам Мадридни тарк этиши мумкин. Клуб раҳбарияти хорватиялик футболчи маошининг кескин пасайиши ва захира ўйинчиси ролига рози бўлсагина у билан келишув бир мавсумга узайтирилади, деган қарорга келган.

“Қироллик клуби”нинг ёш юлдузи Арда Гюлер Модричнинг майдондаги ўрнидан ташқари, унинг рақамига ҳам даъвогарлик қилмоқда.

Турк футболчиси Модрич клубдан кетадиган бўлса, унга тегишли  бўлган 10-рақамни ўзиники қилиб олмоқчи. Бу рақамда Модричдан олдин Хамес Родригес, Месут Ўзил, Робиньо, Луиш Фигу каби  юлдузлар тўп тепган.