Энди шу футболчини беринглар! "Ливерпуль" ПСЖ юлдузи учун катта суммали таклиф берди

ПСЖнинг ёш вингери Брэдли Баркола Англия премьер-лигаси клубларининг диққат марказида қолмоқда. Бу ҳақда инсайдер Экрем Конур хабар берди.

Маълумотларга кўра, футболчига бир вақтнинг ўзида учта гранд жамоа – «Арсенал», «Ливерпуль» ва «Манчестер Юнайтед» даъвогарлик қилмоқда. Ушбу клублар Барколани сотиб олиш бўйича илк расмий таклифларини юборган.

Ливерпулликлар футболчи трансфери бўйича 80 миллион евролик биринчи таклифни берди. Бироқ ПСЖ раҳбарияти ўз футболчисини анча қимматга баҳоламоқда ва трансфер учун 150 миллион евро талаб қилаётгани айтилмоқда.

Брэдли Баркола ўтган мавсумда ПСЖ таркибида бир қатор совринларни қўлга киритишга ҳисса қўшди. Париж клуби Лига 1 чемпиони бўлиб, «Ланс», «Лилль» ва «Лион»ни ортда қолдирди, шунингдек, Чемпионлар лигасида ғолиб чиқди. Бундан ташқари, жамоа Европа Суперкубоги, Франция Суперкубоги ва Межконтинентал кубокни ҳам қўлга киритди.