Эндрик "Реал"даги келажаги бўйича қарор қабул қилди

Бразилиялик ҳужумчи Эндрик «Реал» клубини тарк этишга қарор қилгани хабар қилинмоқда. Бу ҳақда Onda Cero нашри маълумот берди.

Маълумотларга кўра, ёш футболчи клубдаги рақобат кескин кучайгани сабаб жамоани ўзгартириш ҳақида ўйламоқда. 

Хусусан, «Реал» таркибига Карлос Эспи ва Ян Диоманде каби янги ҳужумчиларнинг қўшилиши Эндрикнинг ўйин амалиётига таъсир қилиши мумкин. У ўзини асосий таркибда доимий майдонга туша олмаслигини англаб етган.

Эслатиб ўтамиз, ўтган мавсумнинг иккинчи ярмини Эндрик «Лион» жамоасида ижара асосида ўтказган эди.

«Реал» сафида Эндрик умумий ҳисобда 40 та ўйинда майдонга тушди. Шу вақт мобайнида у 7 та гол урди ва бир марта голли узатма берди.