Энг кўп маошни қайси клуб тўлаяпти?

L'Equipe ҳамда Capology data нашрлари Европанинг топ-клублари ўз футболчиларига умумий ҳисобда ўртача қанча маош тўлаётганини ҳисоблаб чиқди.

Маълумотларга кўра, бу борада “Реал” етакчилик қилмоқда. “Қироллик клуби” 2025-2026 йилги мавсумда бир футболчи учун ўртача 11,2 миллион евро маблағ ажратмоқда. Бу сумма қитъанинг қолган топ-клублари  тўлаётган маош миқдоридан 60 фоизга кўпдир.

Ўтган мавсумда мадридликлар бир йиллик маош учун ўртача 12 миллион евродан пул тўлаган.

Испаниянинг амалдаги чемпиони “Барселона” рейтингда иккинчи ўринда қайд этилган ва маошларга ажратилган сумма ўртача бир футболчи учун 7,91 миллион еврони ташкил қилади.

Кучли учликни якунлаган “Манчестер Сити”нинг маошлар фондидан чиқаётган маблағ бир футболчи учун йиллик мояна 7,41 миллион еврога тенг экани кўрсатилган.

Кейинги ўринларда “Бавария” (€ 7,38 млн), ПСЖ ва “Арсенал»” (€ 7 млн), “Ливерпуль” ва “Манчестер Юнайтед”(€ 6 млн), “Челси” ва “Тоттенхэм” (€ 4,5 млн) қайд этилган.