Энг ёмони 2000 йили, энг яхшиси 2011 - Ўзбекистон МТЖнинг Осиё Кубокларидаги натижалари қандай бўлган?

Осиё Кубоги старт олди. Шу пайтга қадар ўтказилган қитъа биринчиликларида Ўзбекистон миллий терма жамоаси 7 бор иштирок этган.

Вакилларимиз 1996 йил Бирлашган Араб Амирликларида ўтказилган чемпионатдан бошлаб ҳозиргача мунтазам тарзда қатнашишмоқда.

Қуйида ҳамюртларимизнинг Осиё Кубокларидаги иштирокига тўхталиб ўтамиз.

1996 ЙИЛГИ ОСИЁ ЧЕМПИОНАТИ

Бирлашган Араб Амирликлари мезбонлик қилган қитъа биринчилигида 12 жамоа иштирок этган. Ўзбекистон миллий терма жамоаси “С” гуруҳида Япония, Хитой ва Сурия билан куч синашган.

Чемпионатдаги илк учрашувда Хитойни 2:0 ҳисобида мағлубиятга учратганмиз. Голларга Игорь Шквирин ва Максим Шацких муаллифлик қилган. Иккинчи ўйинда Японияга имкониятни бой берганмиз – 4:0. Учинчи баҳсда Сурияга ҳам ютқазганмиз – 2:1. Сергей Лебедов 53-дақиқада пенальтидан гол урганди. Гуруҳда эса тўплар фарқига кўра охирги ўринни эгаллагандик.

06. 12. 1996 й. Хитой – Ўзбекистон 0:2

Голлар: Игорь Шквирин 78, Максим Шацких 90

09. 12. 1996 й. Япония – Ўзбекистон 4:0

12. 12. 1996 й. Ўзбекистон – Сурия 1:2

Гол: Сергей Лебедов пенальти 53

Финалда майдон эгалари Саудия Арабистони билан асосий ва қўшимча таймларда дуранг ўйнашди. Пенальтилар сериясида омад Саудия Арабистонига кулиб боқди – 4:2.

 

 

2000 ЙИЛГИ ОСИЁ ЧЕМПИОНАТИ

Ливан мезбонлик қилган қитъа биринчилигида Ўзбекистон МТЖ “С” гуруҳидан жой олганди. Бу – “ўлим гуруҳи”, деб аталганди. Чунки ҳамюртларимиз Япония, Саудия Арабистони ва Қатар билан куч синашди.

Энг ёмон натижаларимиздан бирини айнан шу йили қайд этганмиз. Қатар билан дуранг ўйнадик – 1:1. Японияга 8:1 ҳисобида ютқаздик. Саудия Арабистони эса дарвозамизга жавобсиз 5 та тўп киритганди.

14. 10. 2000 й. Қатар – Ўзбекистон 1:1

Гол: Миржалол Қосимов 73

17. 10. 2000 й. Япония – Ўзбекистон 8:1

Гол: Сергей Лушчан 29

20. 10. 2000 й. Саудия Арабистони – Ўзбекистон 5:0

Гуруҳдошларимиз Япония ва Саудия Арабистони ўртасидаги финалда “кун чиқар юрт” вакиллари 1:0 ҳисобида ғалаба қозониб, иккинчи бор Осиёда тенгсиз, деб топилди.

 

 

2004 ЙИЛГИ ОСИЁ ЧЕМПИОНАТИ

2004 йилги Осиё кубоги 17 июлидан 7 августга қадар Хитойда бўлиб ўтганди. Айтиб ўтиш жоизки, Осиё Кубоги доирасида биринчи маротаба 16 терма жамоа иштирок этди.

Хитойдаги мусобақада Ўзбекистон терма жамоаси "С" гуруҳидан жой олиб 3 учрашувда ғалаба қозонди ва чорак финал йўлланммасини қўлга киритиш учун курашди.

18.07.2004. Ироқ - Ўзбекистон 0:1

Гол: Миржалол Қосимов 21

22.07.2004. Ўзбекистон - Саудия Арабистони 1:0

Гол: Александр Гейнрих 13

26.07.2004. Туркманистон - Ўзбекистон 0:1

Гол: Миржалол Қосимов 58

Вакилларимиз гуруҳда 1-ўринни эгаллаб чорак финалда Баҳрайнга қарши майдонга тушишди.

Ўзбекистон - Бахрайн 2:2 пенальтилар сериясида - 3:4, умумий ҳисоб - 5:6 баҳрайнликлар фойдасига.

Голлар: Александр Гейнрих 60, Владимир Шишелов 86

Финалда Хитой ва Япония куч синашди. Японияликлар 3:1 ҳисоби билан мезбонларни мағлуб этиб, учинчи маротаба Осиё Кубогини қўлга киритганди.

 

 

2007 ЙИЛГИ ОСИЁ ЧЕМПИОНАТИ

ОЧ-2007 7-29 июль кунлари Индонезия, Малайзия, Вьетнам ҳамда Таиланд давлатларида ўтказилганди. Биз "С" гуруҳда кураш олиб бордик.

11.07.2007. Эрон - Ўзбекистон 2:1

Гол: Резаи автогол 16

14.07.2007. Ўзбекистон - Малайзия 5:0

Голлар: Максим Шацких 10, 89, Тимур Кападзе 30, Улуғбек Бақоев 45, Азиз Ибрагимов 85

18.07.2007. Ўзбекистон - Хитой 3:0

Голлар: Максим Шацких 72, Тимур Кападзе 86, Александр Гейнрих 90

Гуруҳда Эрондан сўнг икки ўринни қўлга киритиб плей-оффга чиққанмиз.

22.07.2007: Саудия Арабистони - Ўзбекистон 2:1

Гол: Павель Соломин 81

Вакилларимиз арабларга имкониятни бой беришди.

Ироқ ОЧ-2007 турнири финал учрашувида саудияликларни 1:0 ҳисоби билан мағлуб этиб, биринчи маротаба Осиё чемпионига айланди.

 

 

2011 ЙИЛГИ ОСИЁ ЧЕМПИОНАТИ

Осиё чемпионати очилиш учрашувида Доҳада мезбонлар Ўзбекистон терма жамоаси билан куч синашди. "Халифа" стадионида 40 мингдан зиёд мухлис беллашувни бевосита кўриш имкониятига эга бўлганди.

Ўйинда 35 метр узоқдан Одил Аҳмедов рақиб дарвозасини жуда ажойиб тарзда ишғол этди. Шундан сўнг майдон эгалари ҳимоя чизиғининг бир нечта хатоларидан кейин Сервер Жепаров жарима майдончаси яқинидан зарба бериб ҳисобни 2:0 кўринишига олиб келганди.

Гуруҳ босқичи:

7.01.2011. Қатар - Ўзбекистон 0:2

Голлар: Одил Аҳмедов 59, Сервер Жепаров 77

12.01.2011. Ўзбекистон - Кувайт 2:1

Голлар: Максим Шацких 41, Сервер Жепаров 65

16.01.2011. Хитой - Ўзбекистон 2:2

Голлар: Одил Аҳмедов 30, Александр Гейнрих 46

Вакилларимиз гуруҳда биринчи ўринни эгаллаб плей-офф йўлланмасини қўлга киритишди ва Иордания терма жамоасига қарши майдонга тушишди. Таъкидлаш жоизки, рақибимиз ўз гуруҳида Сурия ҳамда Саудия Арабистонини доғда қолдирганди.

2-рақамда тўп тепган Улуғбек Бақоев чорак финалда рақиб дарвозасини икки марта ишғол этишга эришди. Шу тариқа, Ўзбекистон терма жамоаси ОК-2011да биринчи маротаба ярим финал йўлланмасини қўлга киритганди.

21.01.2011: 1/4 финал

Ўзбекистон - Иордания 2:1

Голлар: Улуғбек Бақоев 47, 49

Аммо бизнинг хурсандчилигимиз кўпга чўзилмади.

25.01.2011: 1/2 финал

Ўзбекистон - Австралия 0:6

Кетма-кет хатолар, дарвозамиздан тезкор гол ўтказиб юборганимиз бундай шармандали натижани олиб келди, десак адашмаган бўламиз. Тўп назорати бизда бўлганига қарамай, футболчилар қарши хужумларга дош бера олишмади.

28.01.2011: Ўчинчи ўрин учун баҳс

Ўзбекистон - Жанубий Корея 2:3

Голлар: Александр Гейнрих пенальти 45, 53

Биринчи бўлимда Австралияга қарши учрашувдаги каби кетма-кет хатолар дарвозамизга 3 та тўп киритилишига сабабдир. Бироқ биринчи тайм якунида Гейнрихнинг ажойиб зарбаси бизга умид берди. Аммо танаффусдан сўнг омад биз томонда эмасди. Александр эса ўз ўйин услуби билан рақибларни ҳайратга солди. ОК-2011 якунланганидан сўнг у фаолиятини ФК «Сувон Самсунг»да 2011 йил футбол мавсуми оҳиригача ўтказди.

Ярим финал йўлланмаси ҳамда Осиё Кубогида тўртинчи ўринни эгаллаганимиз бизнинг энг катта ютуғимиз бўлиб қолмоқда.

2011 йил японияликлар Осиё чемпионлигини кўлга киритишди. Финал учрашувда Австралияни 1:0 ҳисоби билан таслим этиб, тўртинчи маротаба қитъада тенгсизликларини исботлашди.

Маълумот учун, ушбу беллашувда ҳамюртимиз Равшан Эрматов бош ҳакам вазифасини ўтаб берган.

 

 

2015 ЙИЛГИ ОСИЁ ЧЕМПИОНАТИ

Бу галги чемпионатга Австралия мезбонлик қилди.

Плей-офф йўлланмасини қўлга киритиш вакилларимиз учун қийинчилик туғдирди. КХДР терма жамоасини мағлуб этганлигимизга қарамай, хитойликларга имкониятни бой бердик. Саудия Арабистонига қарши учрашув чиндан ҳам муросасиз кечди. Сардор Рашидов ажойиб тарзда ҳисобни очганди. Аммо бош ҳакам австралиялик Бенжамин Уильямс дарвозамиз томон пенальти белгилади. Ушбу вазиятдан сўнг мухлислар бу реферини “австралиялик қароқчи”, деб аташни бошлашди. Ўзбекистон терма жамоаси Саудия Арабистонини 3:1 ҳисоби билан мағлуб этганди.

Гуруҳ босқичи:

10.01.2015. Ўзбекистон - КХДР 1:0

Гол: Игорь Сергеев 62

14.01.2015. Хитой - Ўзбекистон 2:1

Гол: Одил Аҳмедов 22

18.01.2015. Ўзбекистон - Саудия Арабистони 3:1

Голлар: Сардор Рашидов 2, 79, Воҳид Шодиев 70

Чорак финалда Жанубий Корея терма жамоаси билан куч синашдик. Беллашувнинг асосий вақтида ким ярим финалга чиқиши маълум бўлмади. Уйинчиларимиз рақиб дарвозаси томон бир нечта ҳавфли хужум яратишди, бироқ ноаниқ. Қўшимча икки таймда иккита гол ўтказиб юбордик.

22.01.2015. Жанубий Корея - Ўзбекистон 2:0

Астралия финалда Жанубий Корея билан куч синашди. Беллашув 4 тайм давом этганди. Кореяликлар иккинчи бўлим оҳирида ҳисобни тенглаштиришган ва ушбу голни "Тоттенхэм" клуби аъзоси Сон Хён Мин урганди. Бироқ 105-дақиқада мезбонлар ҳисобни 2:1 кўринишига олиб келишди. Натижада, Австралия чемпионликка эришди.

 

2019 ЙИЛГИ ОСИЁ ЧЕМПИОНАТИ

Осиё Кубоги БААда ўтказилди. Терма жамоамиз мусобақага Эктор Купер бошчилигида етиб борди.

Терма жамоамиз гуруҳда Япония, Уммон ва Туркманистон билан куч синашди. Вакилларимиз илк учрашувда Уммонни 2:1 ҳисобида таслим этишди. Яхши кайфиятда Туркманистон дарвозасига жавобсиз 4 та тўп йўлланди. Охирги беллашувда Японияга 1:2 ҳисобида имконият бой берилди. Элдор Шомуродов порлаган чемпионат.

Гуруҳ босқичи:

09.01.2019. Ўзбекистон - Уммон 2:1

Голлар: Одил Аҳмедов 34, Элдор Шомуродов 86

13.01.2019. Туркманистон – Ўзбекистон 0:5

Голлар: Жавоҳир Сидиқов 17, Элдор Шомуродов 24, 42, Жалолиддин Машарипов 40

17.01.2019. Япония – Ўзбекистон 2:1

Голлар: Элдор Шомуродов 40

Нимчорак финалда Купер шогирдлари ўз тарихидаги энг кучсиз Австралияга рўбарў келди. Ўйиннинг асосий ва экстра таймларида ҳисоб очилмагач, пенальтилар сериясига мурожаат қилинди. Аммо лотереяда омад “кенгрулар”га кулиб боқди – 4:2. Шу тариқа, биз мусобақани гуруҳдан чиқибоқ, якунлагандик.

Мусобақа мезбони Қатар финалгача етиб бориб, Японияни 3:1 ҳисобида енгиб, ўз тарихидаги илк чемпионликни қўлга киритганди. ЎФАнинг ҳозирги биринчи вице-президенти Равшан Эрматов ўша пайт ўйинни бошқарганди.