Шомуродов ва Файзуллаев мураббий истеъфосига “сабабчи” бўлди

Туркия чемпионатининг аввалги турида Ўзбекистон миллий терма жамоаси етакчилари Элдор Шомуродов ва Аббосбек Файзуллаев ўйнаётгар “Истанбул Башакшеир” жамоаси “Касимпаша” майдонидан 3:1 ҳисобидаги ғалаба билан қайтган эди.

Ўша баҳсда ўзбек футболчилар учрашув қаҳрамони бўлиб, натижага жуда катта таъсир ўтказди. Жароҳатдан кейин сафга қайтган Аббосбек Файзуллаев жарима нуқтасидан суперзарба билан ҳисобни очди ва ғалабага тамал тошини қўйди.

Элдор Шомуродов эса, жамоаси бир киши кам бўлиб қолган ва рақиб мағлубиятдан қутилиб қолиш учун тинимсиз босим уюштираётган сўнгги дақиқаларда истанбулликларнинг учинчи тўпини киритиб, ўйининг якуний натижасини ўрнатди.

“Истанбул Башакшеҳир” бош мураббийи Нури Шахин ўзбек легионерларининг ғалабага қўшган ҳиссасини алоҳида эътироф этган бўлса, Аббосбек ва Элдор урган голлар  “Касимпаша” жамоаси устози Шота Арвеладзенинг курсисини қимирлатиб қўйди.

Учрашувдан кейи “Касимпаша” раҳбарияти грузиялик мутахассисни ишдан олди. Ўз даврида “Пахтакор”да ҳам бош мураббийлик қилган ва ўзбек футболини яхши билган Шота Арвеладзе турк клубида атиги беш ой ишлаб, жойини бўшатиб беришга мажбур бўлди.

Унинг қўл остида “Касимпаша” 14 та ўйин ўтказиб, учта ғалаба, тўртта дуранг ва етти мағлубият қайд этганди.

Бу жамоадан аввал Арвеладзе “Фотиҳ Карагюмрюк” жамоасида ҳам жуда қисқа муддат – 3,5 ой фаолият юритди. Натижа қониқарли бўлмади. Жамоа 17 ўйинда олтита ғалаба, учта дуранг ўйнаб, саккиз марта ютқазганидан кейин мураббий истеъфога чиқарилган эди.

- Туркия Суперлигаси 2025-2026 йилги мавсумининг дастлабки 14 ҳафтасида жами18 та жамоадан  12 таси қониқарсиз натижалар туфайли бош мураббийини алмаштирди. Бош мураббий билан хайрлашишга қарор қилган охирги жамоа “Касимпаша” бўлди.

Мағлубиятдан кейин клуб грузиялик мутахассис Шота Арвеладзе билан шартномани бекор қилди.

Жорий мавсумда биринчи бўлиб бош мураббийини ишдан бўшатган жамоа “Газиантеп” бўлганди. Чемпионат бошида “Бешиктош”, “Фенербаҳче” ва “Истанбул Башакшеҳир” ҳам жамоа бошқарувини бошқа мураббийларга топширди.

Кейинчалик “Эюпспор”,  “Кайсериспор, “Антальяспор”, “Генчлербирлиги”, “Фотиҳ Карагюмрюк”, “Ризеспор”, “Коньяспор” каби жамоалар ҳам бош мураббийларини ўзгартирди, - деб ёзди haberler.com сайти.

Ҳусанов нечанчи ўринда? Жаҳон чемпионати иштирокчилари рейтинги эълон қилинди

Россияда Шомуродовни эслаб қолишди...

Бу хатодан кейин Гвардиола Ҳусановни асосий таркибга қайтариши шарт

Суперкомпьютер Ўзбекистоннинг “ЖЧ-2026”даги имкониятини қандай баҳолади?

Нури Шахин Шомуродов уни қандай ҳайратга солганини айтди

Аламли мағлубиятдан кейин Ҳусановнинг ўйини қандай баҳоланди?

Ўзбекистоннинг жаҳон чемпионатидаги ғалабасига қандай муносабат бўлди?