Енгилмас боксчи Илия Топурияни жангга чақирди!

Америкалик таниқли боксчи Шакур Стивенсон блогер Адин Росс билан стрим вақтида  UFC чемпиони Илия Топурияга бокс қоидалари бўйича жанг ўтказиш таклифини билдирди.

Жонли эфирда Стивенсон ва унинг ватандоши Теренс Кроуфорд бокснинг ММАга нисбатан устун жиҳатлари ҳақида фикр алмашаётган эди. Шу пайт Адин Росс Топурияни боксда рақобатлаша оладиган эҳтимолий жангчи сифатида тилга олди. Бу гапга эса Шакур ҳеч иккиланмай жавоб қайтарди.

"У мен билан жанг қилсин", — деди боксчи.

Бошловчи Топурия “жуда кучли ва хавфли йигит” эканини эслатишига қарамай, Стивенсон унга шундай муносабат билдирди: "Менга фарқи йўқ. Айт, рингга чиқсин — мен тайёрман!"

Маълумот учун, Шакур Стивенсон профессионал фаолияти давомида 24 та жанг ўтказиб, уларнинг барчасида ғалаба қозонган (11 тасида муддатдан аввал).