Энрике трансфер ойнаси ёпилгандан сўнг ПСЖ таркибини баҳолади

ПСЖ бош мураббийи Луис Энрике янги мавсум бошида жамоа таркиби қуввати ҳақида фикр билдирди.

«Бизда жуда кучли, ажойиб жамоа бор. Чемпионлар Лигаси финалида майдонга тушган асосий футболчиларни сақлаб қолдик, шу билан бирга тажрибали ёш ўйинчилар билан таркибни янада мустаҳкамладик. 

Ана шундай уйғунлик бизга катта ютуқлар олиб келиши мумкин. Лекин буни гапда эмас, майдонда исботлаш керак. Камтар бўлиб қолишимиз муҳим. Олдинги мавсумлардагидек, бу йил ҳам осон бўлмаслигини жамоа яхши тушунади», – дея таъкидлади Луис Энрике матбуот анжуманида. Унинг сўзларини журналист Альфредо Педулла келтирган.