Энтони Гордон: Месси мен ўйлагандан анча зўр эканини энди тушундим

Англия терма жамоаси вингери Энтони Гордон жаҳон чемпионати ярим финалида Аргентинага қарши ўйинда 1:2 ҳисобида мағлубиятдан кейин ўз фикрларини билдирди.

- Мен кўп йиллар давомида Лионель Месси қандай қилиб “Барселона” ўйинларида натижага таъсир кўрсатишини томоша қилганман. Бугун эса у ҳақида ўйлаганимдан ҳам кучлироқ футболчи эканини яна бир бор англадим.

Албатта, мағлубиятдан жуда хафаман. Лекин биламанки, камида шу жаҳон чемпионати соврини “Барселона”ни жуда ҳам севадиган кимгадир насиб этади, — деди Гордон учрашувдан сўнг.

Эслатиб ўтамиз, финалда Аргентина Испанияга қарши майдонга тушади. Испания терма жамоаси сафида “Барселона” клуби шарафини ҳимоя қиладиган бир қатор футболчилар, жумладан Ламин Ямаль ҳам иштирок этмоқда.