Энцо Фернандес ўрнини 100 миллион евролик футболчи эгаллайди

Лондоннинг «Челси» клуби Энцо Фернандес ўрнини босиши мумкин бўлган футболчини Мадриднинг «Атлетико» жамоасидан топди.

Sport.es нашри хабарига кўра, лондонликлар қишки трансфер ойнасида 23 ёшли испаниялик ярим ҳимоячи Пабло Барриосни ўз сафига қўшиб олишни режалаштирмоқда. «Челси» ёш футболчи учун тахминан 100 миллион евро тўлашга тайёр экани айтилмоқда.

Клуб раҳбариятининг фикрича, «Атлетико» ярим ҳимоячиси Энцо Фернандесга муносиб алмашув бўлиши мумкин. 

Эслатиб ўтамиз, аргентиналик футболчи шу ёзда «Челси»ни тарк этиб, 145 миллион евро эвазига «Манчестер Сити» сафига ўтган эди. Шу билан бирга, Мадрид клуби ҳозирча Барриос билан хайрлашиш истагида эмаслиги таъкидланмоқда.

Маълумот учун, ўтган мавсумда Пабло Барриос «Атлетико» таркибида Испания чемпионатида 23 та ўйин ўтказиб, бир гол урди ва бир голли узатма муаллифига айланди.