Эриксен кўчада қолди

Миланнинг "Интер" клуби ярим ҳимоячиси Кристиан Эриксенни коронавирус (COVID-19) сабаб Италиядаги меҳмонхонадан чиқариб юборишди. Бу ҳақда Sport.es нашри хабар бермоқда.

Юқоридаги манбага кўра, даниялик футболчи яшаётган меҳмонхона карантинга олинган. Эриксен “Интер”га январь ойида кўчиб ўтди ва шу боис у ҳозирча Миландан ўзи учун уй сотиб олишга улгургани йўқ.

Юқоридаги ҳолатдан сўнг “нерадзуррилар” раҳбарияти Эриксенга зудлик билан уй қидириш ишларини бошлаб юборишган. У ҳозир янги жойга кўчиб ўтган ва у ерда 2 ҳафта карантинда бўлади.

Эриксен ҳозирча “Интер” сафида 8 та ўйинда майдонга тушди ва 1 та гол ҳамда 1 та голли узатмага муаллифлик қилишга эришди. Унинг клуб билан амалдаги шартномаси 2024 йилга қадар имзоланган.