Эрлинг Холанд тарих яратмоқда: 2 ўйинда 4 гол ва янги рекорд

Норвегия терма жамоаси ҳужумчиси Эрлинг Холанд 2026 йилги Жаҳон чемпионати гуруҳ босқичи 2-турида Сенегалга қарши ўйинда дубль қайд этди (3:2).

25 ёшли "Манчестер Сити" форварди учун бу жорий турнирдаги 4-гол бўлди — у фақат икки ўйиндаёқ ушбу кўрсаткичга эришди.

Шу билан бирга, Холанд Норвегия терма жамоаси тарихида Жаҳон чемпионатларида энг яхши тўпурарга айланди. У бу борада Хьетил Рекдални ортда қолдирди. Рекдал фаолияти давомида Жаҳон чемпионатларида 7 ўйинда 2 та гол урган эди.

Қайд этиш керак, бу Норвегия терма жамоаси учун Жаҳон чемпионатларидаги фақат 4-иштирок ҳисобланади. Команда илк бор 1938 йилда турнирда қатнашган.