Эрмосо Бундеслигага кўчиб ўтмоқда

"Рома" сафида ҳаракат қилаётган Марио Эрмосо Бундеслиганинг "Байер" клубига кўчиб ўтишга яқин турибди. 

Фабрицио Романога кўра, томонлар келишувга эришди. Испаниялик ҳимоячи мавсумнинг қолган қисмини леверкузенликлар сафида ўтказади ва маоши тўлиқ Германия клуби томонидан тўлаб берилади. 

Эрмосо ўтган ёзда эркин агент сифатида римликлар таркибига келиб қўшилди. Шундан кейин футболчи жамоа сафида 13 та учрашувда майдонга туширилди. 

Маълумот учун, Марио трансферини Хаби Алонсонинг шахсан ўзи хоҳлаган ва раҳбариятдан сўраган.