Эрон бош мураббийи яна 7 нафар футболчини терма жамоага чақирди

Эрон терма жамоасининг Жаҳон Чемпионати саралаши-2026 доирасидаги Бирлашган Араб Амирликлари ва Ўзбекистонга қарши кенгайтирилган таркиби эълон қилинган эди. 

Дастлаб, Амир Ғаленойи 21 футболчини йиғинга таклиф қилди. Ушбу таркиб янада тўлдирилди ва 28 футболчи таркибга жалб этилди. Алирреза Бейранванд "Трактор", Ҳуссеин Ҳусайни "Истиқлол", Шожа Ҳалилзода "Трактор", Солих Ҳардони "Истиқлол", Рўзбех Чешми "Истиқлол", Амир Ҳуссеин "Трактор" каби футболчилар форслар таркибига бориб қўшилди.

Эслатиб ўтамиз, форслар 20 мартда БАА билан, 25 мартда эса Тимур Кападзе бошчилигидаги "оқ бўрилар" билан ўйнайди.