Эронлик мураббий коронавирусдан вафот этди

Бугун эронлик футзал мураббийи Аҳмед Тоҳири коронавирусдан вафот этди. Бу ҳақда Tehran Times нашри хабар тарқатмоқда.

Юқоридаги манбага кўра Тоҳири бундан 4 ой олдин миясидаги шишни олдириш мақсадида операцияни бошдан кечирган. Натижада унинг иммунитети пастлаган ва COVID-19 вирусини енга олмаган.

Маълумот учун, Эрон коронавирус кенг тарқалган дунёдаги 3-давлат ҳисобланади. Ҳозирги кунгача 15 мингга яқин эронлик ушбу вирусга чалинган.