Eshli Yang: Konte Manchester klubini qabul qilsa, oʻyinchilarning holiga voy!

“Manchester Yunayted”ning sobiq futbolchisi Eshli Yang klub rahbariyatini murabbiy Antonio Konteni bosh murabbiy etib tayinlashda ogoh bo'lishga chaqirdi.

Conte hozirgi bosh murabbiy Maykl Kerrikning o‘rnini egallash uchun asosiy nomzodlardan biri hisoblanmoqda. Kerrik mavsumni muvaffaqiyatsiz boshlagani sababli jiddiy bosim ostida qolgan.

Biroq “Inter”da Conte qo‘l ostida o‘ynagan Yangning ogohlantirishicha, “Yunayted” futbolchilari ko‘p yugurish, zerikarli mashg‘ulotlar va uzoq davom etadigan jamoaviy yig‘ilishlardan mamnun bo‘lmasligi mumkin.

- “Manchester Yunayted” futbolchilarining yugurish ko‘rsatkichlari haqida ko‘p gapirildi. Agar ular ko‘proq yugurishni boshlamasa-yu, jamoaga Antonio Conte kelsa, bu halokatli holat bo‘ladi.

Uning nomzodi muhokama qilinmoqda. Agar shunday bo‘lsa, “Manchester Yunayted” futbolchilari bundan xursand bo‘lishiga ishonchim komil emas. Menimcha, Conte “Tottenxem”ga kelganida ham buni ko‘rgansiz.

“Inter”ga o‘tishdan oldin o‘zimga: “U qanday murabbiy ekan?” degan savolni bergandim. “Tottenxem” va “Chelsi”ning ko‘plab futbolchilari bilan gaplashdim. Ular menga: “Sen juda ko‘p yugurasan, jismoniy holating esa avvalgidan ham yaxshiroq bo‘ladi”, deyishdi.

Amo bilasizmi, menimcha, aynan shu narsa faoliyatimni uzoq davom ettirishimga yordam bergan sabablaridan biri bo‘ldi. Garchi bu jarayon aqldan ozdiradigan darajada og‘ir bo‘lsa ham.

11 ga 11 formatdagi mashg‘ulotlar ko‘pincha biroz zerikarli o‘tardi. Yig‘ilishlar esa juda uzoq davom etardi. Masalan, mag‘lubiyatdan keyin shunday yig‘ilish o‘tkazishimiz mumkin ediki, o‘sha vaqt davomida deyarli hamma ish to‘xtab qolardi.

Siz u yerda uch-to‘rt soat o‘tirib qolishingiz mumkin edi. Menimcha, Conte hech bir klubda uzoq vaqt qolmaganining sabablaridan biri ham shu. U odamlarning sabr-toqatini sinaydi. Bu nafaqat futbolchilarga, balki rahbariyat va klub egalarga ham tegishli. Oqibatda odamlar undan g‘azablana boshlaydi, - deydi Eshli Yang Daily Mail nashri vakillari bilan suhbatda.