Эстевао "Челси"да аср рекордини ўрнатди

"Челси" қанот ҳужумчиси Эстевао "Кристал Пэлас"га қарши АПЛ баҳсида ўз ҳисобига гол ва голли узатма ёздириб қўйган қаҳрамонлардан бирига айланди. Учрашув лондонликларнинг 3:1 ҳисобидаги ғалабаси билан якунланди.

Учрашув вақтида бразилиялик футболчи 18 ёш-у 276 кунлик эди - бу натижа уни "Челси" тарихида Англия чемпионатининг бир ўйинида ҳам гол уришга, ҳам шеригига ассистентлик қилишга муваффақ бўлган иккинчи энг ёш футболчига айлантирди, деб ёзади Opta.

Илгари бундай ютуққа фақат Нил Шипперли эришган эди: 1993 йил апрель ойида у 18 ёшу 164 кунлигида "Уимблдон" билан ўйинда гол ва голли узатмани амалга оширди.