Это'О нимадан ранжиди?

Камерунлик машҳур футболчи Самуэль Это'О France Football нашри томонидан тузиб чиқилган барча даврларнинг энг яхши 3 та рамзий терма жамоанинг ҳеч бирида африкалик футболчи жой олмагани борасида ўз фикрини билдириб ўтди.

“Биз африкаликлар мавжуд эмасмиз”, - деб ёзган Это'О.

Самуэль Это'О фаолияти давомида "Барселона", "Интер" ва "Челси" каби жамоаларда муваффақиятли тўп сурган.

Эслатиб ўтамиз, France Football томонидан тузилган рамзий терма жамоаларнинг асосийсидан Лев Яшин, Паоло Мальдини, Франц Беккенбауэр, Кафу, Хави, Лотар Маттеус, Пеле, Диего Марадона, Криштиану Роналду, Роналдо ва Лионель Месси жой олган эди.

Иккинчи ва учинчи рамзий жамоалар билан қуйида танишиб олишингиз мумкин:

1) Жанлуижи Буффон — Роберто Карлос, Франко Барези, Карлос Альберто — Альфредо Ди Стефано, Франк Райкард, Андреа Пирло, Зинедин Зидан — Роналдиньо, Йохан Кройф, Гарринча.

2) Мануэль Нойер — Пауль Брайтнер, Серхио Рамос, Филипп Лам — Андрес Иньеста, Диди, Йохан Нескенс, Мишель Платини — Тьерри Анри, Марко ван Бастен, Жорж Бест.

Ушбу терма жамоалар “Олтин тўп” сўровномасида иштирок этувчи 140 та журналист орасида ўтказилган сўровнома натижалари асосида тузиб чиқилган.