"Эвертон" "Манчестер Сити" футболчисини сотиб олиш шарти билан ижарага олади

Ҳужумкор ярим ҳимоячи Жек Грилиш "Манчестер Сити"дан "Эвертон"га ўтмоқда. Душанба куни футболчи тиббий кўрикдан ўтиши керак, шундан сўнг томонлар шартнома имзолашади ва буни расман эълон қилинади.

The Athletic хабарига кўра, "Эвертон" 29 ёшли Грилишни сотиб олиш ҳуқуқи билан ижарага олган. "Ирислар" футболчини келаси ёзда тахминан 50 миллион фунтга (58 миллион евро атрофида) сотиб олишлари мумкин.

Англия чемпионатининг навбатдаги биринчи турида "Эвертон" сафарда "Лидс"га қарши баҳс олиб боради. Ўйин 18 август, душанба куни бўлиб ўтади.