"Евро-2020"ни Россияда ўтказишни таклиф қилишмоқда

Италиялик агент Марко Трабукки коронавирус эпидемияси сабаб "Евро-2020" мусобақасини Россияда ўтказишни таклиф қилди.

“Коронавирус сабаб Швейцария ва Италияда 2019/20 йилги мавсум тўхтатилди. Европа Иттифоқининг кўплаб давлатлари УЕФАга ўз ҳудудида "Евро-2020" ўйинларини ўтказишни таъқиқлаб қўяди, деб ўйлайман. Агар Россияда спорт мусобақаларини мухлисларсиз ўтказиш таъқиқланмаса, нега энди "Евро-2020"ни Россияда ўтказмаслик керак? Хорижлик мухлисларсиз”, - дейди Трабукки.

Эслатиб ўтамиз, "Евро-2020" ўйинлари жорий йилнинг 12 июнидан 12 июлигача Европанинг 12 та давлатида бўлиб ўтиши белгиланган. Улар орасида Россиянинг Санкт-Петербург шаҳри ҳам бор.