Еврокубокларда ҳали “Реал”ни ҳеч ким бунчалик шарманда қилмаган эди

Европа Чемпионлар лигаси умумий босқичининг охирги, яъни саккизинчи турида “Реал” футболчилари Лиссабонда “Бенфика” меҳмони бўлиб, 2:4 ҳисобида мағлубиятга учради.

Мадридликлар бу мағлубиятдан кейин турнир жадвалида кучли саккизликка кира олмади ва 1/8 финалга чиқиш учун қўшимча иккита ўйин ўтказадиган бўлди.

Энг аламлиси, Тибо Куртуа дарвозасига тўртинчи голни унинг ҳамкасби Анатолий  Трубин урди.

Украиналик посбон 90+8-дақиқада стандарт вазиятдан кейин тўп киритилди. Ўнг қанотдан жарима зарбасини Фредрик Эурснес амалга оширди, ҳал қилувчи паллада ҳужумчиларга ёрдамга келган Трубин бош билан тўпни узоқ бурчакка йўллади.

Шу тариқа, Анатолий Трубин Европа кубоклари тарихида “Реал” дарвозасини ишғол қилган бириняи ва ҳозирча ягона дарвозабон сифатида қайд этилди.