Европа Чемпионати яна қолдирилиши мумкин

"Евро-2020" коронавирус туфайли кейинги йилга қолдирилган эди. Аммо ҳамон ушбу чемпионатнинг ўз вақтида ўтказилиши сўроқ остида қолмоқда.

"Умид қиламанки, турнир ўтказилади. Бироқ вирус билан боғлиқ вазиятни, олдиндан ҳеч нима айтиб бўлмаслигини ҳисобга олган ҳолда, бирор нарсага кафолат бериш қийин. Агар тўлиқ хавфсизликни кафолатлай олмасак, мухлислар ҳам бу мусобақа бўлиб ўтишига қаршилик қилиши мумкин. Улар стадионга киришни истайди.

Келаётган қишда биз яна вирусга дуч келамиз. Авваламбор, қарор қабул қилишда инсонлар соғлиги энг муҳим масала ҳисобланади", дея "The Sun" нашри Буюк Британиянинг маданият, ОАВ ҳамда спорт вазири Оливер Дауден сўзларини келтирмоқда.

Эслатиб ўтамиз, Лондандаги "Уэмбли" стадионида Европа Чемпионатининг Англия миллий терма жамоаси иштирокидаги гуруҳ баҳслари, нимчорак, ярим финал ҳамда ҳал қилувчи ўйини ўтказилиши режалаштирилган.