Европа лигаси. "Байер" - "Рейнжерс": Матнли трансляция

  • 90+2'

    Маккели учрашувни якунловчи хуштагини чалди. Матнли трансляцияни Жавоҳир Азимов олиб борди.

  • 90+2'

    Меҳмонлар посбони Градецки сўнгги дақиқада сейв намойиш этди.

  • 90'

    Учрашувга 2 дақиқа қўшиб берилди.

  • 90'

    Яқиндагина майдонга тушган Жонатан Та огоҳлантирилди.

  • 88'

    Узоқ масофадан жарима тўпини ижро этган Бейлининг зарбаси тўсин устидан ўтиб, майдонни тарк этди.

  • 87'

    Паласиос ўз ўрнини жамоадоши Адриан Станилевичга бўшатиб берди.

  • 85'

    Бейлининг кучли зарбаси рақиб ҳимоячисига тегиб, МакГрегор қўлларига ҳавфсиз тарзда келиб тушди.

  • 83'

    Ноаниқ узатма сабабли "Рейнжерс" футболчиларининг бурчак тўпи кўкка совурилди.

  • 82'

    Учрашув охирида Арибо фаол ҳаракатлари билан ажралиб турибди.

  • 77'

    Ўйиннинг қолган қисмини Морепос ҳамда Тавернье майдон ташқарисидан кузатишади. Уларнинг ўрни Грег Стюарт ва Натан Петтерсон томонидан тўлдирилди.

  • 76'

    Та майдонга ташланди. У Свен Бендерни алмаштирди. 

  • 73'

    Сардорлик боғичини қабул қидиб олган Кевин Фолланднинг Хаверцга оширган тўпи бироз кучлилик қилди. Оқибатда, қарши ҳужум узилиб қолди.

  • 69'

    Леверкузенликлар таркибида Вирц, Диаби ва Ларс Бендер захирага олинди. Уларнинг ўрни Драгович, Бейли ҳамда Баумгартлингер билан тўлдирилди.

  • 68'

    Кулинг брек.

  • 67'

    Арангисни чалиб йиқитган Хажи карточкага лойиқ кўрилди.

  • 66'

    Жонс ҳамда Арфильд майдонда ҳаракат қилган Дэвис ва Кент ўрнида ўйинни давом эттиришади.

  • 63'

    Вирцнинг навбатдани паси ҳам бесамар якунланди. Бендер тўпга ета олмади.

  • 60'

    Илк ўзгариш: Баркер ўз ўрнини Янис Хажига бўшатиб берди.

  • 59'

    Меҳмонлар майдон марказида қисқа паслар бериб, ҳужумга ўтиш учун қулай фурсат пойлаяптилар.

  • 54'

    Хаверцнинг аниқ зарбасини "Рейнжерс" кипери Аллан МакГрегор бартараф этди.

  • 53'

    Меҳмонлар таркибидаги илк сариқ карточка Баркерга кўрсатилди. Жабрланувчи ролида Чарлес Арангиз.

  • 51'

    ГООООООООООЛЛЛЛЛЛЛ!

    Арангизнинг заргарона пасидан сўнг дарвозабон билан бирга бир вазиятга чиққан Диаби юқори бурчакни аниқ нишонга олди.

  • 49'

    Вирц бир дақиқа ичида иккинчи бор бурчакдан тўпни жарима майдончасига ошириб берди. Бироқ унинг узатмаларини шериклари қабул қила олишмади.

  • 47'

    Бўлим аввалини меҳмонлар фаолроқ ўтказишмоқда.

  • 46'

    Иккинчи тайм бошланди.

  • 45'

    Танаффус!

  • 45+1'

    Синкгравен майдон марказидаги қўпол ҳаракати учун сариқ карточка билан огоҳлантирилди.

  • 45'

    Биринчи бўлимга бош ҳакам Дэнни Маккели томонидан 1 дақиқа қўшиб берилди

  • 43'

    Ўзи ишлаб олган бурчак тўпини ёш Вирцнинг ўзи ижро этди. Бу ҳужум ҳам Жеррард шогирдлари томонидан қайтарилди.

  • 40'

    Леверкузенликларнинг навбатдаги бурчак зарбасини ҳам 17 ёшли Вирц амалга оширди. Бироқ унинг узатмаси яна бир бор зарарсизлантирилди.

  • 38'

    Хаверцнинг қулай узатмасидан сўнг зарба берган Диаби мўлжалда адашди.

  • 37'

    Кевин Фолланд ўйиндан ташқари ҳолатда қолиб кетди.

  • 33'

    Мусса Диабининг узоқ масофадан йўллаган зарбаси дарвоза тўсини юқорисидан ўтиб кетди.

  • 30'

    Учрашувнинг ярим соати ортда қолган бир пайтда "Байер" футболчилари 70-30% кўринишида тўп назоратига эга бўлмоқдалар.

  • 29'

    Кай Хаверц рақиб футболчиси Баришични чалиб йиқитди.

  • 26'

    Дэнни Маккели жамоаларни нафас ростлаб олишларига имкон берди.

  • 24'

    Майдон эгаларининг 2-бурчак зарбасини ҳам Вирц амалга оширди. Бу гал ҳам ҳимоячилар яхши ҳаракат қилдилар.

  • 22'

    Дарвозабон билан ёлғиз қолган Хаверцнинг зарбасига бироз аниқлик етишмади.

  • 21'

    Меҳмонларниинг позицион ҳужуми Арангизнинг тушунарсиз пасидан сўнг узилиб қолди.

  • 19'

    Мезбонлар сардорига нисбатан Баркер қўпол ўйнади. У кераксиз жойда огоҳлантирилиши мумкин эди. Лекин бош ҳакам бу сафар карточка кўрсатмади.

  • 16'

    Кай Хаверцнинг ҳавфли зарбаси олдида дарвозабон МакГрегор ожиз қолди. Аммо тўп тўсинга тегиб, майдонни тарк этди.

  • 15'

    Арангиз рақибини ортдан чалиб йиқитди. Натижада, бош ҳакам томонидан сариқ карточкага лойиқ кўрилди.

  • 13'

    Арибо рақиб жарима майдончаси ичига ёриб кирди. Бироқ ҳимоячилар уни зарарсизлантира олди

  • 9'

    Флориан Виртзнинг узатмаси самарасиз якунланди. Ҳимоячилар тўпни жарима майдончасидан узоқлаштиришди.

  • 8'

    Ҳозирча леверкузенликлар меҳмонларни тўпсиз ҳаракатланишга мажбур қилишмоқда.

  • 6'

    Майдон марказида Дэвис рақибига нисбатан қўполлик ишлатди. Ҳакам уни бу сафар аяди.

  • 3'

    Мезбонлар учрашув бошидан ўйин тизгинини ўз қўлларига олишга ҳаракат қилишмоқда.

  • 1'

    Учрашув бошланди.

  • 0'

    Жамоалар майдонда саф тортишди.

Фикрлар

Саралаш
Фикр қолдириш учун авторизациядан ўтинг!