Европа лигасининг энг зўр тўпурарлари

УЕФА таснифидаги мусобақалар орасида Европа Лигасининг ўз ўрни бор. Статистика мутахассислар ушбу халқаро турнирда энг кўп гол урган футболчилар рейтингини тузиб чиқди.

Эътиборингизга Европа Лигасининг энг зўр тўпурарлари рўйхати ҳавола этилади:

Мунас Даббур – 24 та гол.

Исроиллик футболчи Европа лигасидаги голларини Австриянинг “”Зальцбург” ва Испаниянинг “Севмлья” клубларида киритган.

Ромелу Лукаку – 26 та гол.

Бельгиялик ҳужумчи Европа Лигасидаги голларини “Андерлехт”, “Эвертон”, “Интер” ва “Рома”да урди.

Ариц Адурис – 26 та  гол.

“Атлетик” ҳужумчиси 2016 йили Европа Лигаси доирасида бир учрашувда бешта гол урган биринчи футболчига айланди.

Радамель Фалькао – 30 та гол.

“Порту” ва “Атлетико” сафида ўйнаган колумбиялик марказий ҳужумчи Европа лигасида атиги икки мавсум ўтказган ва ҳар иккисида турнирнинг энг яхши тўпурари бўлган.

Пьер-Эмерик Обамеянг – 31 та гол.

Габонлик форвард бу натижага эришиш учун бешта клуб – “Лилль”, “Боруссия Дортмунд”, “Арсенал”, “Барселона”, “Марсель” сафида гол киритишига тўғри келди.