Европада “Барса”га фақат бир клуб қарши туролади

«Барселона»нинг собиқ футболчиси ва мураббийи Карлес Решак жамоанинг жорий мавсумдаги иштирокини юқори баҳолади.

- Бу ортиқча оптимизм эмас. Ҳақиқатан ҳам ҳамма нарса яхши ишлаяпти. Аммо объектив ва холис қарасак, ҳозир “Барса” Испаниянинг бошқа жамоаларига нисбатан бошқа даражада.

Ҳозирча “Барса”га ҳақиқий рақобат қила оладиган ягона жамоа – ПСЖ. Қолган клубларнинг имконияти йўқ. Улар бошқа суръатда ўйнайди, кўп югуради ва жуда қаттиқ меҳнат қилади. Бу футболчиларнинг барчаси ўз салоҳиятига ишонади. Футболчи тажрибали ветеранга айланганида мағлубиятдан қўрқиш пайдо бўлиши мумкин, ёшликда эса ҳамма нарса осон кечади.

“Барса”да ҳозир ҳамма нарса жойида. Улар “Реал Мадрид”дан олти очко олдинда. Терма жамоалар ўйинлари учун танаффусдан кейин эса ўз майдонида “Мадрид”га қарши ўйнайди. Агар очколар фарқи саккиз ёки тўққизтага етса, вазият улар учун ташвишли тус ола бошлайди, - дея Решакнинг сўзларини Mundo Deportivo келтирди.

«Барселона» жорий мавсумда ўтказган саккизта учрашувнинг барчасида ғалаба қозонган. Бу ўйинларда жамоа 36 та гол урган ва 8 та гол ўтказиб юборган.