Evropaning eng zo‘r himoyachisi kim?

“Nyukasl” himoyachisi Denni Rouz “Liverpul” futbolchisi Endryu Robertsonni Evropadagi eng yaxshi himoyachi deb aytdi.

“Robertson ajoyib. Bundan bir necha yil oldin “Uayt Xart Leyn”da “Xall”ga qarshi o‘ynaganimizda, ular tarkibida Maguayr va Robertson bor edi. O‘shanda Endryu boshqalardan ajralib turishini payqamagandim. Ammo u “Liverpul”ga kelganida, eng yaxshi himoyachiga aylandi.

Menimcha Robertson so‘nggi 2 yil ichidagi Angliyaning, umuman butun Evropaning eng yaxshi himoyachisi. U men erishmoqchi bo‘lgan darajadagi futbolchi. U eng zo‘r”, - deydi Rouz.

Robertson joriy mavsum “Liverpul” safida 41 ta o‘yinda maydonga tushdi va 2 ta gol hamda 7 ta golli uzatmaga mualliflik qildi.