"Эйр Форс" - "Трактор" ўйинидан кейин "Пахтакор"да пешқадамга айланиш имконияти юзага келди

Осиё Чемпионлар Лигасидаги вакилимиз "Пахтакор" ўрин олган "В" гуруҳида 3-тудан ўрин олган "Эйр Форс" - "Трактор" учрашуви ўз якунига етди. Унда томонлар 0:0 ҳисобидаги дурангга имзо чекди.

Ўйин нисбатан тенг курашлар остида кечди. Номинал меҳмонлар кичик устунликка эга бўлса-да, буни ҳисобга кўчира олмади.

Шу тариқа, ҳар уччала ўйинда дуранг қайд этган "Трактор" турнир жадвалида 2-ўринни эгаллаб турибди. 2 очко тўплаган "Эйр Форс" 4-поғонани банд этган. Бугун "Шаржа"га қарши ўйинда ғалаба қозониш орқали "шерлар" пешқадамликни қўлга олиши мумкин. Вакилларимиз ҳисобида 2 очко мавжуд.