Fabregas "Chelsi"ning ayni damdagi holati haqida: Yulduzlar ham hech narsa qila olmayapti

"Chelsi"ning sobiq yarim himoyachisi Sesk Fabregasning fikricha, London jamoasida o‘yin tuzilmasi va taktika etishmaydi. Eslatib o‘tamiz, kecha "aristokratlar" London derbisida "Arsenal"ga 1:3 hisobida imkoniyatni boy berdi. Bu mag‘lubiyat jamoaning barcha turnirlardagi qatorasiga oltinchi mag‘lubiyati bo‘ldi.

“Bolaligimda bir murabbiyim bo‘lardi. U hech qanday taktikasiz tasodifiy tanlov asosida maydonga tashlardi. Hozir "Chelsi" ana shunday ko‘rinmoqda. Jamoada Braziliya terma jamoasi sardori, jahon chempioni va Angliya terma jamoasi etakchilari bor, lekin bular hech qanday ahamiyat kasb etmayapti”, - dedi Fabregas.

“Chelsi” ayni damda Premer-liga musobaqa jadvalida 32 ochko bilan 12-o‘rinda bormoqda.