Фабрегас : "Чемпионлар Лигаси руҳи бизга илҳом беради"

«Комо» бош мураббийи Сеск Фабрегас жамоасининг Чемпионлар лигаси умумий босқичида «РБ Лейпциг» устидан қўлга киритган ишончли ғалабаси ҳақида фикр билдирди.

Унинг сўзларига кўра, бу кеча шаҳар ва клуб тарихи учун алоҳида аҳамиятга эга бўлди. Sky Sport Italia билан суҳбатда Фабрегас бу натижани «Комо» футболчилари узоқ вақт давомида қилган меҳнати ва матонати учун муносиб совға, деб таъкидлади. Испаниялик мутахассис жамоаси ёш таркибдан шаклланганини, Чемпионлар лигаси муҳити эса уларга қўшимча руҳ ва энергия берганини қайд этди.

«Биз ҳар уч кунда майдонга тушишимизга тўғри келади, шунинг учун камтар бўлиб қолишимиз ва ҳар сафар сифатли ўйин кўрсатишимиз шарт. Олдимизда жуда оғир мавсум турибди. Бутун масофа давомида тўғри кайфият ва руҳий тайёргарликни сақлаб қолишга ҳаракат қилишимиз керак. Ҳозирги қувонч узоққа чўзилмайди, чунки жуда тез орада Серия А доирасида навбатдаги ўйин кутиб турибди», – деди Фабрегас.

Эслатиб ўтамиз, «Комо» ўзининг илк Чемпионлар лигаси учрашувида «Лейпциг» жамоасини йирик 4:1 ҳисобида мағлуб этди.