Фабрицио Романо "Реал"нинг Олисе трансфери бўйича якуний қарорини эълон қилди

«Реал Мадрид» мюнхенлик «Бавария»нинг вингери Майкл Олисе трансфери бўйича режаларини тўхтатди. Бу ҳақда футбол бўйича инсайдер Фабрицио Романо хабар берди.

Манбага кўра, Олисе ҳали ҳам клуб президенти Флорентино Перес учун орзу қилинадиган футболчи ҳисобланади. Мадрид жамоаси бир неча вақтдан буён француз вингери атрофидаги вазиятни синчиклаб ўрганиб келаётган эди.

Бироқ «Бавария» ҳозирча Олисе бўйича музокараларга киришиш ниятида эмас. Шу сабабли «Реал» немис клуби билан муносабатларни бузмаслик ва улар ортидан яширин ҳаракат қилмасликка қарор қилди.

Мадридликлар энди трансфер бозоридаги бошқа номзодларга эътибор қаратмоқда. Эслатиб ўтамиз, Майкл Олисе 2024 йилда «Кристал Пэлас» таркибидан «Бавария»га ўтган эди.